21 Апреля 2016

Миян «Пера-багатыръяс»

Кос му тöлысь дас витöд лунö Куратов нима Сыктывкарса гуманитарно-педагогическöй колледжын муніс том коми зонъяс костын тöдöмлун сетан, фольклорнöй республикаса конкурс «Пера - богатырь-2016».

M f3Sp3TXXw

Вермасьӧмсӧ сиисны коми вöралысьяслöн да чери кыйсьысьяслöн традицияяслы. Вӧвлӧмторсӧ котыртісны «Этноуниверситет» уджтаскӧд йитӧдын Коми Республикаса войтырсикас министирество да Войтыръяслӧн ёртасян керка отсöгöн.

KxpqV4y9pu4
Конкурсын петкöдчисны вит коми зон–вöралысь. Тайö Куратов нима Сыктывкарса гуманитарно-педагогическöй колледжысь Иван Фучик да Пелагий Рочев, вöрса институтысь студент да «Сыктывкарса «Изьватас» Землячествоысь» зон Михаил Канев, Коми культура шöринысь специалист, том коми войтырлӧн «МИ» котырын водзмӧстчысь Андрей Габов да Сыктывкарса канму университетысь фин-йöгра филология кафедра вылын велöдчысь Вадим Семяшкин.

zJ1226Jbr5Q
Зонъясöс кывзісны да донъялісны:
1. Россияса финн-йӧгра культура шӧринса проектно-аналитическӧй юкӧнын специалист Зоя Корнилова.
2. Фольклорист, Коми наука шӧринса кыв, литература да история институтлӧн этнография юкӧнын зільысь туялысь, Олег Уляшев.
3. Республикаса войтырсикас министерствоын канму кывъяс юкӧнын медшӧр специалист-эксперт Людмила Камбалова.
4. «Коми му» газетысь журналист Павел Симпелев
5. Жюриӧн веськӧдлысь – Войтыръяслӧн ёртасян керкаын методика да проекта удж юкӧнын зільысь Маргарита Низовцева.

DSCF3049
«Пера-богатырь» конкурс артмис некымын тшупöдысь. Медводдзаас вӧлі – «Самопредставление» - том йöз висьталісны ас йывсьыныс, петкöдлісны енбиныссö. Зонъяс тӧдмӧдісны асланыс семьяын вöралан традиияяскӧд. Мöд тшупöдын вöлі викторина: участникъяс вочавидзины коми вöралысьяслöн обычайяс да традицияяс йылысь жюрилöн юалöмъяс вылö. А коймöд тшупöд вылас зонъяс петкöдлісны-ворсісны обрядъяс, кöні тыдовтчис ас районлӧн кыйсьысь-вöралысьяслӧн торъялаöмыс.

9Gzgeu lCSU

Уна вöралан традиция вунöма, но тайö луннас зонъяс водзын сулаліс мог – небöгъясысь лыддьöм, ас войтырлысь тöдмалöм бöрын ловзьöдны да мичаа петкöдлыны тайö традицияяссö велöдчысьяслы, студентъяслы, велöдысъяслы да гöстьяслы, а, сідзкö, кольны водзö олысьяслы, öд видзöдысъяс пиын вöліны велöдысъяс, кодъяс вермасны кужöмöн пыртны уджаныс тайö конкурсысь босьтöм тöдöмлунъяссö.

34ZIOW6dQ00
Жюрилöн видзöдлас серти, став зонмыслы позьö вӧлі сетны «Пера – богатырь» ним. Но медся тöдчана шöр муртöснас вермысьысьöс бöрйöмын лоис чужан кыв да традицияяс дорö муслун, кодöс и кöсйисны петкöдлыны участникъяс. «Медся гажа» ним вичмис Михаил Каневлы, «Медся сюсьöн» лоис Пелагий Рочев, «Медся енбиа» - Иван Фучик, а миян канму университетса велöдчысь, Вадим Семяшкин, босьтіс «Медся сьылысь» ним. «Пера – богатырь - 2016» ним жюри сетіс Андрей Габовлы.

Анна МАХОТИНА
Фотоясыс АБАСОВА Мариямлöн
да гуманитарно-педагогическöй колледжысь

ИА VERBUM